Ku soo dhawow Madasha Aqoonyahannada Soomaaliyeed
Madasha Aqoonyahannada Soomaaliyeed xaruntiisa dhexe waxey ku taalaa Jigjiga, Deegaanka Soomaalida, waa madal firfircoon oo u heellan korinta kobaca garaadka, iskaashiga, iyo hodantinimada dhaqanka ee bulshada Soomaaliyeed oo hiigsanaya meela sare. Himiladeennu waa in aan awood-siino shakhsiyaadka iyo bulshooyinka anagoo adeegsanayna wadaagista aqoonta, cilmi-baarista, iyo u ololeynta caddaaladda bulshada.
Himiladeenna
Inaan dhiirrigelinno oo awood-siino aqoonyahannada iyo bulshooyinka Soomaaliyeed si ay hoggaan ugu noqdaan isbeddelka wax ku oolka ah, isla markaana kor u qaadaan dhaqanka hal-abuurnimada, sinnaanta wada shaqeynta, iyo ka mid wada ahaanshaha guud.
Hadafkeenna
Inaan u adeegno sidii xarun loogu talagalay doodaha aqooneed, cilmi-baarista, iyo hal-abuurnimada. Kor u qaadista waxbarashada, hoggaaminta, iyo dhisidda kartida awoodda shakhsiga gudaha gudaha Deegaanka iyo caalamkaba. Awood-siinta haweenka, kooxaha laga tirada badan yahay, iyo bulshooyinka la hayb-sooco. U ololeynta sinnaanta dhanka shaqo, ilaalinta dhaqanka, iyo horumarin waarta.
Qiyamka Aasaasiga ah
Aqoonta iyo Hal-abuurnimada: Kor u qaadista kobaca garaadka iyo fikradaha wax-ka-beddelka leh.
Sinnaanta shaqo iyo bulsho aan kala sarreyn: U doodista kala-duwanaanshaha iyo caddaaladda bulshada.
Midnimada iyo Iskaashiga: Xoojinta awoodda anagoo wadaageeno himilooyinka iyo dadaallada guud.
Daacadnimada iyo Mas’uuliyadda: Ku dhaqanka heerarka akhlaaqda sare iyo hufnaanta.
Ixtiraamka Dhaqanka: Ilaalinta hidaha iyo dhaqanka Soomaaliyeed anagoo qaadeyno wadada horumarka.
Waxaan Qabanno
- Qabanqaabinta madallo, aqoon-is-weydaarsiyo, iyo shirar si loo dhiirrigeliyo is-dhaafsiga fikradaha aqooneed.
- Daabacaadda cilmi-baaris, maqaalo, iyo warbixinno diiradda saaraya arrimaha muhiimka ah ee bulshada saameeya.
- U ololeynta siyaasado kor u qaada waxbarashada, sinnaanta wada shaqo, iyo ka mid noqoshada dhammaan qaybaha bulshada si heyb-sooca uga baxo bulshada.
- Bixinta deeqo waxbarasho, hagitaan, iyo taageero loo fidiyo dhalinyarada iyo hoggaamiyeyaasha mustaqbalka.
Ku soo biir hadafkeenna si aan u abuurno bulsho wacyi leh, cadaalad ah, oo awood badan.
Dhisida Aqoonta Awood-siinta Bulshada Dhiirrigelinta Isbeddelka
Ku soo biir barnaamijyadeenna maanta kana mid noqo isbeddelka cusub.
Si loo xaqiijiyo hufnaan, wada-shaqeyn, iyo hoggaamin waxtar leh, Madasha Aqoonyahannada Soomaaliyeed waxay leedahay qaab-dhismeed urur oo cad oo isku xira waaxyaha muhiimka ah. Hoos waxaa ku qoran doorarka muhiimka ah iyo waajibaadkooda:
1. Hoggaanka Sare
1.1 Guddoomiyaha
- Wakiilka ugu sarreeya ee madasha.
- Hoggaamiya jihada istiraatiijiga ah ee ururka.
- Kormeera hirgelinta qorshayaasha iyo mashaariicda muhiimka ah.
1.2 Guddoomiye Ku-xigeenka
- Ka caawiya guddoomiyaha waajibaadka hoggaamineed.
- Ku shaqeeya booska guddoomiyaha marka uu maqan yahay.
- Taageera dadaallada istiraatiijiga ah ee waaweyn.
1.3 Agaasimaha Fulinta
- Masuul ka ah maamulidda howlaha maalinlaha ah ee madasha.
- Wada-shaqeeya madaxa waaxyaha si loo fuliyo qorshayaasha ururka.
- Diyaariya warbixinno ku saabsan horumarka madasha una soo bandhiga hoggaanka sare.
2. Guddiga La-talinta
- Ka kooban aqoonyahanno, culumo, iyo hoggaamiyeyaal bulshada ah.
- Bixiya talooyin ku saabsan siyaasadaha, mashaariicda, iyo jihada istiraatiijiga ah.
- Hubiya in madashu ku dhaqanto hadafkeeda iyo qiyamkeeda.
3. Waaxyaha Muhiimka ah iyo Doorarka
3.1 Waaxda Maamulka iyo Maaliyadda
- Maareeyaha Maaliyadda: Ka mas’uul ah maareynta miisaaniyadda, uruurinta deeqaha, iyo soo saaridda warbixinada dhaqaale.
- Xiriiriyaha Maamulka: Hubiya hawlaha xarunta dhexe, habeynta shaqaalaha, iyo maaraynta agabka.
3.2 Waaxda Barnaamijyada iyo Mashaariicda
- Iskuduwaha Barnaamijyada: Horumariya, hirgeliya, oo kormeera barnaamijyada ururka.
- Masuulka Dhallinyarada: Ku shaqeeya barnaamijyada lagu dhiirrigelinayo dhallinyarada, hoggaaminta, iyo hal-abuurka.
- Masuulka Haweenka: Maamusha barnaamijyada sinnaanta shaqo iyo taageerada doorka haweenka ee hoggaamineed.
- Hoggaamiyaha Dhaqanka: Ilaaliya oo hormariya mashaariicda lagu xafidayo dhaqanka iyo hiddaha Soomaaliyeed.
3.3 Waaxda Cilmi-baarista iyo Daabacaadda
- Agaasimaha Cilmi-baarista: Maamula mashaariicda cilmi-baarista iyo daraasadaha muhiimka ah.
- Tifaftiraha Daabacaadda: Kormeera soo saarista cilmi-baarisyo, maqaalada, iyo warbixinada.
- Cilmi-baareyaal: Sameeya daraasado la xiriira waxbarashada, sinnaanta shaqo ee bulsho, iyo horumarkeeda.
3.4 Waaxda Xiriirka Dadweynaha iyo Isgaarsiinta
- Maareeyaha Xiriirka Dadweynaha: Horumariya istiraatiijiyado isgaarsiineed oo xiriir la leh saxaafadda.
- Masuulka Warbaahinta Bulshada: Maamula baraha bulshada si loo xoojiyo wacyiga bulshada iyo wada-shaqeynta.
- Maareeyaha Website-ka: Cusbooneysiiya oo hubiya in mareegta SIF (siforum.org) ay u shaqeyso si hufan.
3.5 Waaxda Bulshada iyo U-doodista
- Xiriiriyaha Bulshada: Abaabulka doodo, shirar, iyo ololayaasha bulshada.
- Khabiirka U-doodista: Hoggaamiya ololeyaasha ka dhanka ah takoorista iyo lagu taageerayo sinnaanta shaqo.
3.6 Waaxda Hal-abuurka iyo Teknolojiyada
- Iskuduwaha Teknolojiyada: Horumariya barnaamijyada ku saleysan teknoolojiyada iyo hal-abuurka cusub.
- Khabiirka Hal-abuurka: Taageera mashaariicda dhallinyarada ee hal-abuurka iyo ganacsiyada cusub.
4. Laamaha Gobollada
- Xarun ama laan kasta waxaa hoggaamiya Iskuduwaha Gobolka, oo si toos ah ugu warbixiya Agaasimaha Fulinta.
- Laamaha ayaa mas’uul ka ah hirgelinta barnaamijyada madasha ee heer degaan iyo wax ka qabashada baahiyaha bulshada ee gaarka ah.
5. Shabakadda Mutadawiciinta
- SIF waxay leedahay shabakad mutadawiciin ah oo ka qayb qaata qaban-qaabinta dhacdooyinka, ololayaasha wacyigelinta, iyo taageeridda mashaariicda kale ee muhiimka ah.
Warbixin iyo Isla Xisaabtan
- Khadadka Warbixinta: Dhammaan madaxa waaxyaha waxay u warbixiyaan Agaasimaha Fulinta, kaasoo isna u warbixiya Guddoomiyaha iyo Guddiga La-talinta.
- Isla Xisaabtan: Waxaa si joogto ah loo sameeyaa dib u eegis iyo warbixinno si loo hubiyo hufnaanta iyo ku dhaqanka hadafyada madasha.
Qaab-dhismeedkan wuxuu xaqiijinayaa hufnaan, wada-shaqeyn, iyo hirgelinta taas oo waafaqsan hadafyada iyo aragtida Madasha Aqoonyahannada Soomaaliyeed ee heer dowlad, gobol iyo caalamka.